Foreldra sine støttespelarar i trusopplæringa : nettverket rundt den døypte i ljos av sosiologisk nettverksteori

Abstract

Tema for oppgåva er trusopplæring i heimen i eit familiepedagogisk nettverksperspektiv. Til alle tider har Gud drive trusopplæring ved å openberra seg for menneska og visa dei viljen sin, kort sagt ved å kalla dei til tru. Denne viktige oppgåva har han delegert vidare til foreldra (jamfør til dømes Deut. 11,19 og 31,13), men det er ikkje meininga at dei skal gjera dette åleine. Storfamilien, eller samfunnet, spela tradisjonelt ei stor rolle i opplæringa og oppsedinga. Eit afrikansk ordtak seier ”Det trengs ei heil grend for å oppdra et barn” (Bø og Schiefloe 2007:22). I Noreg har me ein sterk respekt for privatlivet, og det skal mykje til for å blanda seg inn i korleis andre oppsedar borna sine. Samstundes viser samfunnsforsking og nettverksteori, som me skal sjå utover i oppgåva, at foreldre i mange tilfelle er usikre på korleis dei best kan oppseda borna sine, og at mange ikkje maktar oppsedingsoppgåva åleine (jamfør til dømes Domsgen 2007).