Med kall frå Gud og kyrkja : ein studie av biskopars ordinasjonstalar, kva dei seier om identiteten og oppdraget åt prestetenesta, og korleis dette representerer teologiske logikkar om prestetenesta i dag

Abstract

I denne oppgåva har eg analysert ordinasjonstalar frå tre biskopar i Den norske kyrkja for å undersøkje kva dei seier om identiteten og oppdraget åt prestetenesta. Vidare har eg vist korleis talene representerer teologiske logikkar om prestetenesta i dag. I analysen har eg hatt ei hermeneutisk tilnærming til tekstene, og eg har brukt temaanalyse som metode for systematisk gjennomgang av manuskripta. Eg har fokusert på argumentasjonar om ordinasjonen, om ordinanden, på relasjonane i prestetenesta, og på presteroller. Eg teikna så opp tre presteskisser for å oppsummere logikken eg fann hjå dei tre biskopane, utan å påstå at dette er den enkelte biskops pastoralteologi. I lys av aktuelle diskusjonar kring ordinasjonsteologi, pastoralteologi og ekklesiologi har eg til sist drøfta teologien i skissene. Hovudfunna er at det finst distinkte skilnader mellom biskopars teologiske argumentasjon kring prestars identitet og oppdrag, sjølv om presten som forvaltar av ord og sakrament er ein fellesnemnar for alle tre i denne studien.