Eit vindauge til kristen tru i mellomalderen : kristen tru i mellomalderen sett gjennom Kvinnherad kyrkje

Abstract

Ved å ta utgangspunkt i Kvinnherad kyrkja kan eg kombinera kyrkjehistorie med lokalhistorie og meir allmenn historie, og målet mitt er at eg gjennom denne kyrkja og historia rundt ho, vil få eit blikk inn i kva menneska som levde rundt Kvinnherad kyrkje i mellomalderen trudde på, og korleis trua verka inn på dagleglivet. Problemstillinga mi er dermed slik: Kva kan ein med utgangspunkt i spor frå mellomalderen i ei mellomalderkyrkje seia om kva menneska i mellomalderen trudde på, og korleis trua verka inn på livet deira? Med «spor frå mellomalderen» meiner eg det som Kvinnherad kyrkje slik ho står fram i dag kan fortelja ut frå arkitektur og inventar som ikkje er endra sidan mellomalderen, men også det som andre kjelder kan fortelja om den konkrete kyrkja og kva endringar ho har gått gjennom.