| dc.description.abstract | Tittelen for denne oppgåva er: “«Hindra dei ikkje!» - Mark 10,13-16: Ein dåpstekst?” Ut frå den tittelen er det klart at Jesu ord om ikkje å hinda står sentralt, og ei undersøking knytt til bruken av det greske verbet kolyo (å hindra) i samband med dåpen vil bli vektlagt. I den samanhengen vil NT-forskaren Oscar Cullmann (1902-1999) sin tese om kolyo vera ein naturleg inngang.3
Vidare vil det med Mark 10,13-16 som utgangspunkt bli gjort ein synoptisk analyse med parallelltekstane i Matt 19,13-16 og Luk 18,15-17. Desse tre tekstane synest i utgangspunktet ikkje å handla om dåp, men likevel er det klart at dei etter kvart har blitt brukt som grunngjeving for dåp av barn. Når og kvifor skjedde dette? Er det noko i desse evangelietekstane som legg til rette for ein slik bruk av desse tekstane? Har dei eit hermeneutisk potensiale? Alle desse spørsmåla leiar meg fram til ei samla problemstilling: Har bruken av kolyo ein spesiell plass i samband med dåpen slik at Mark 10,13-16 par. kan kallast barndåpstekstar? | en_US |
