Helge Hognestad si teologiske utvikling og drøfting av hans teologiske posisjon

Abstract

Tittelen, Helge Hognestad si teologiske utvikling og drøfting av hans teologiske posisjon, avspeglar ei todelt problemstilling. For det første vil eg kartlegge hovudperspektiva som Hognestad legg til grunn for reformasjonsprosjektet sitt heilt frå doktoravhandlinga i 1978 og fram til han går av med pensjon i 2010. Her vil eg kronologisk klargjere hans teologiske utvikling gjennom desse dryge 30 åra. På bakgrunn av dette vil eg syntetisere og trekkje ut kva som er det sentrale i hans teologiske posisjon når det gjeld synet på Bibelen, Gud, Jesus, frelse og mennesket. Dernest vil eg drøfte denne teologiske posisjonen for å klargjere korleis denne kan karakteriserast i høve til kristendom og andre livssyn som det er relevant å sjå den i høve til. Det vil eg gjere ved å samanlikne Hognestad sin posisjon med blant anna kristendom, humanisme og nyreligiøse retningar. Problemstillinga har då på eine sida eit kronologisk og deskriptivt syfte og på den andre sida ei drøftande tilnærming til Hognestad sin teologiske posisjon. Dette fører til følgjande problemstilling: Korleis veks Hognestad si alternative kristendomsforståing fram, og korleis kan hans teologiske posisjon karakteriserast?